wo shaKHs mujhe jab se dikhai nahin deta

vo shaḳhs mujhe jab se dikhā.ī nahīñ detā

āñkheñ haiñ magar kuchh bhī sujhā.ī nahīñ detā

ḳhairāt meñ de dete haiñ rahgīr ko jitnī

utnī bhī mohabbat mujhe bhaa.ī nahīñ detā

in chīḳhtī chillātī huī galiyoñ kā mātam

dānista havelī ko sunā.ī nahīñ detā

ik arsa huā dil se mirī bantī nahīñ hai

dil mujh ko ki maiñ dil ko sunā.ī nahīñ detā

siine meñ kabhī hashr uThā rakkhā thā dil ne

ab shor-e-qayāmat bhī sunā.ī nahīñ detā

is dil ko banā rakkhā hai kis miTTī se yā-rab

jo jabr bhī sahtā hai duhā.ī nahīñ detā

wo shaKHs mujhe jab se dikhai nahin deta

aankhen hain magar kuchh bhi sujhai nahin deta

KHairaat mein de dete hain rahgir ko jitni

utni bhi mohabbat mujhe bhai nahin deta

in chiKHti chillati hui galiyon ka matam

danista haweli ko sunai nahin deta

ek arsa hua dil se meri banti nahin hai

dil mujh ko ki main dil ko sunai nahin deta

sine mein kabhi hashr uTha rakkha tha dil ne

ab shor-e-qayamat bhi sunai nahin deta

is dil ko bana rakkha hai kis miTTi se ya-rab

jo jabr bhi sahta hai duhai nahin deta