wo shama sar-e-bazm pighal jae to kya ho

vo sham.a sar-e-bazm pighal jaa.e to kyā ho

parvāne kī taqdīr badal jaa.e to kyā ho

is ahd-e-ḳharābāt meñ har rind-e-ḳharābāt

har gaah pe gir gir ke sañbhal jaa.e to kyā ho

aflāk pe raushan hai jo ḳhurshīd-e-jahāñ-tāb

raat us ko kisī roz nigal jaa.e to kyā ho

tang aa ke tirā āshiq-e-jāñbāz kisī roz

mausam kī tarah rang badal jaa.e to kyā ho

hai qaid jo zindān-e-anāsir meñ parinda

par jhaaḌ ke ik roz nikal jaa.e to kyā ho

is ahd-e-ḳhurāfāt meñ haq-goī kā sikka

har kūcha-o-bāzār meñ chal jaa.e to kyā ho

wo shama sar-e-bazm pighal jae to kya ho

parwane ki taqdir badal jae to kya ho

is ahd-e-KHarabaat mein har rind-e-KHarabaat

har gah pe gir gir ke sanbhal jae to kya ho

aflak pe raushan hai jo KHurshid-e-jahan-tab

raat us ko kisi roz nigal jae to kya ho

tang aa ke tera aashiq-e-jaanbaz kisi roz

mausam ki tarah rang badal jae to kya ho

hai qaid jo zindan-e-anasir mein parinda

par jhaD ke ek roz nikal jae to kya ho

is ahd-e-KHurafat mein haq-goi ka sikka

har kucha-o-bazar mein chal jae to kya ho