wo shusta shusta gesu pakiza-tar nigahen

vo shusta shusta gesū pākīza-tar nigāheñ

saa.e meñ mai-kade ke ābād ḳhān-qāheñ

pās-e-adab se kab tak nīchī raheñ nigāheñ

shaffāf āstīneñ jalva-farāsh bāheñ

in ke liye nahīñ haiñ mauzūñ alam karāheñ

ye garm garm aañsū ye sard sard aaheñ

guzre haiñ vo idhar se tasdīq ho rahī hai

gul hai na gulsitāñ hai mahkī huī haiñ rāheñ

yaad aa.e haiñ sitam jab yaad aa ga.e karam bhī

māyūs ho chale the phir mil ga.iiñ panāheñ

ḳhushbū-e-gul se merā dil baiThne lagā hai

kyuuñ sub.h sub.h aa.eñ phūloñ ke lab pe aaheñ

'mānī' kī pāk-bāzī is daur meñ na chaltī

nigarāñ rahī haiñ dil kī har vaqt vo nigāheñ

wo shusta shusta gesu pakiza-tar nigahen

sae mein mai-kade ke aabaad KHan-qahen

pas-e-adab se kab tak nichi rahen nigahen

shaffaf aastinen jalwa-farash bahen

in ke liye nahin hain mauzun alam karahen

ye garm garm aansu ye sard sard aahen

guzre hain wo idhar se tasdiq ho rahi hai

gul hai na gulsitan hai mahki hui hain rahen

yaad aae hain sitam jab yaad aa gae karam bhi

mayus ho chale the phir mil gain panahen

KHushbu-e-gul se mera dil baiThne laga hai

kyun subh subh aaen phulon ke lab pe aahen

'mani' ki pak-bazi is daur mein na chalti

nigaran rahi hain dil ki har waqt wo nigahen