wo talluq zindagi jis mein raha bil-wasta main

vo ta.alluq zindagī jis meñ rahā bil-vāsta maiñ

us samet ik din sipurd-e-tāq-e-nisyāñ ho gayā maiñ

bas yahī mausam thā aisā hī samāñ thā yaad hogā

tāq-e-jāñ meñ sham.a ik raushan huī aur bujh gayā maiñ

ek din aisā ki thī qurbān us par jaañ sī shai bhī

ek din rone lagā ik shaḳhs se bā-qā.edā meñ

dāstān-e-ġham mirī sunñe ko ik sāme.a milā jab

qahqahe pahle lagā.e aur phir chup ho gayā maiñ

shām-e-mimbar par fazīlat ke bahut sanjīda farhāñ

sub.h-dam afsurdagī ke farsh par bikhrā huā maiñ

vāpsī kī raah kyuuñ miltī nahīñ hai saath vaalo

garche is bāzār meñ aayā gayā huuñ bārhā maiñ

wo talluq zindagi jis mein raha bil-wasta main

us samet ek din sipurd-e-taq-e-nisyan ho gaya main

bas yahi mausam tha aisa hi saman tha yaad hoga

taq-e-jaan mein shama ek raushan hui aur bujh gaya main

ek din aisa ki thi qurban us par jaan si shai bhi

ek din rone laga ek shaKHs se ba-qaeda mein

dastan-e-gham meri sunne ko ek samea mila jab

qahqahe pahle lagae aur phir chup ho gaya main

sham-e-mimbar par fazilat ke bahut sanjida farhan

subh-dam afsurdagi ke farsh par bikhra hua main

wapsi ki rah kyun milti nahin hai sath walo

garche is bazar mein aaya gaya hun barha main