wo tanha mere hi darpai nahin hai

Wamiq Jaunpuri

wo tanha mere hi darpai nahin hai

Wamiq Jaunpuri

MORE BYWamiq Jaunpuri

    vo tanhā mere darpai nahīñ hai

    kisī se ḳhush ho ye bhī tai nahīñ hai

    yahāñ masnadeñ sab ke liye haiñ

    ye merā ghar hai qasr-e-kai nahīñ hai

    abhī ġhuncha abhī gul aur abhī tuḳhm

    to kyuuñ kahiye ki hastī hai nahīñ hai

    taġhayyur irtiqā dastūr-e-fitrat

    na badle jo vo koī shai nahīñ hai

    magas ḳhāk-e-pā nutfa enab

    kashīd-e-gul magas qai nahīñ hai

    vo kaisī shaḳhsiyat jis meñ na ho ruuh

    vo kaisā shīsha jis meñ mai nahīñ hai

    vo kyā jharnā na jis se raag phūTe

    vo kaisā naġhma jis meñ lai nahīñ hai

    vo phīkā vaaz jis meñ karb mādūm

    vo jhūTā saaz jis meñ nai nahīñ hai

    vo kaisī bazm jis meñ sab hoñ gūñge

    vo jannat kyā jahāñ har shai nahīñ hai

    vo kyā 'vāmiq' jo nichlā baiTh jaa.e

    vo kaisā fāsla jo tai nahīñ hai

    wo tanha mere hi darpai nahin hai

    kisi se KHush ho ye bhi tai nahin hai

    yahan ki masnaden sab ke liye hain

    ye mera ghar hai qasr-e-kai nahin hai

    abhi ghuncha abhi gul aur abhi tuKHm

    to kyun kahiye ki hasti hai nahin hai

    taghayyur irtiqa dastur-e-fitrat

    na badle jo wo koi shai nahin hai

    magas ki KHak-e-pa nutfa enab ka

    kashid-e-gul magas ki qai nahin hai

    wo kaisi shaKHsiyat jis mein na ho ruh

    wo kaisa shisha jis mein mai nahin hai

    wo kya jharna na jis se rag phuTe

    wo kaisa naghma jis mein lai nahin hai

    wo phika waz jis mein karb madum

    wo jhuTa saz jis mein nai nahin hai

    wo kaisi bazm jis mein sab hon gunge

    wo jannat kya jahan har shai nahin hai

    wo kya 'wamiq' jo nichla baiTh jae

    wo kaisa fasla jo tai nahin hai

    RECITATIONS

    Nomaan Shauque

    Nomaan Shauque

    Nomaan Shauque

    wo tanha mere hi darpai nahin hai Nomaan Shauque

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY