wo to gaya ye dida-e-KHun-bar dekhiye

Majrooh Sultanpuri

wo to gaya ye dida-e-KHun-bar dekhiye

Majrooh Sultanpuri

MORE BYMajrooh Sultanpuri

    vo to gayā ye dīda-e-ḳhūñ-bār dekhiye

    dāman pe rañg-e-pairahan-e-yār dekhiye

    dikhlā ke vo to le bhī gayā shoḳhi-e-ḳhirām

    ab tak haiñ raqs meñ dar o dīvār dekhiye

    uktā ke ham ne toḌī thī zanjīr-e-nām-o-nañg

    ab tak fazā meñ hai vahī jhankār dekhiye

    siine meñ chhup gayā hai tulū-e-sahar ke saath

    ab shāḳh-e-dil pe vo gul-e-ruḳhsār dekhiye

    barq-e-tapīda bād-e-sabā shola aur ham

    haiñ kaise kaise us ke giraftār dekhiye

    pahle bhī tez-rau the par us dil-nashīñ ke saath

    ye chashm-e-nam ye masti-e-raftār dekhiye

    'majrūh' ke laboñ se ye ḳhushbū na sakī

    baḳhshī jo us ne daulat-e-bedār dekhiye

    wo to gaya ye dida-e-KHun-bar dekhiye

    daman pe rang-e-pairahan-e-yar dekhiye

    dikhla ke wo to le bhi gaya shoKHi-e-KHiram

    ab tak hain raqs mein dar o diwar dekhiye

    ukta ke hum ne toDi thi zanjir-e-nam-o-nang

    ab tak faza mein hai wahi jhankar dekhiye

    sine mein chhup gaya hai tulu-e-sahar ke sath

    ab shaKH-e-dil pe wo gul-e-ruKHsar dekhiye

    barq-e-tapida baad-e-saba shola aur hum

    hain kaise kaise us ke giraftar dekhiye

    pahle bhi tez-rau the par us dil-nashin ke sath

    ye chashm-e-nam ye masti-e-raftar dekhiye

    'majruh' ke labon se ye KHushbu na ja saki

    baKHshi jo us ne daulat-e-bedar dekhiye

    RECITATIONS

    Nomaan Shauque

    Nomaan Shauque

    Shakeel Jamali

    Shakeel Jamali

    Nomaan Shauque

    wo to gaya ye dida-e-KHun-bar dekhiye Nomaan Shauque

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY