wo to mujh mein hi nihan tha mujhe malum na tha

vo to mujh meñ hī nihāñ thā mujhe ma.alūm na thā

ḳhuun ban kar vo ravāñ thā mujhe ma.alūm na thā

itne majrūh the jazbāt hamāre jis par

charḳh bhī mahv-e-fuġhāñ thā mujhe ma.alūm na thā

pyaas shiddat kī thī sahrā bhī taḌap jaatā thā

imtihāñ sar pe javāñ thā mujhe ma.alūm na thā

pair to pair yahāñ ruuh ke chhāle nikle

duur itnā bhī makāñ thā mujhe ma.alūm na thā

dil bhī hotā hai sunā karte the har siine meñ

dard bhī us meñ nihāñ thā mujhe ma.alūm na thā

ishq ke bahr meñ ġhota to lagāyā lekin

ba.ad meñ us ke kahāñ thā mujhe ma.alūm na thā

fitna-gar lūTne vaalā sar-e-bāzār yahāñ

itnā shīrīn-zabāñ thā mujhe ma.alūm na thā

husn-e-ulfat ko samā.e hue siine meñ 'nisār'

dil meñ ik dard javāñ thā mujhe ma.alūm na thā

wo to mujh mein hi nihan tha mujhe malum na tha

KHun ban kar wo rawan tha mujhe malum na tha

itne majruh the jazbaat hamare jis par

charKH bhi mahw-e-fughan tha mujhe malum na tha

pyas shiddat ki thi sahra bhi taDap jata tha

imtihan sar pe jawan tha mujhe malum na tha

pair to pair yahan ruh ke chhaale nikle

dur itna bhi makan tha mujhe malum na tha

dil bhi hota hai suna karte the har sine mein

dard bhi us mein nihan tha mujhe malum na tha

ishq ke bahr mein ghota to lagaya lekin

baad mein us ke kahan tha mujhe malum na tha

fitna-gar luTne wala sar-e-bazar yahan

itna shirin-zaban tha mujhe malum na tha

husn-e-ulfat ko samae hue sine mein 'nisar'

dil mein ek dard jawan tha mujhe malum na tha