wo wade pe wade kiye ja rahe hain

vo va.ade pe va.ade kiye jā rahe haiñ

umīdoñ pe ham bhī jiye jā rahe haiñ

garebāñ kī dhajjī kisī ne na dekhī

magar lab khule to siye jā rahe haiñ

gila hī sahī kam se kam is bahāne

mujhe yaad to vo kiye jā rahe haiñ

samajhnā na vaa.iz ise bāda-noshī

davā hosh kī ham piye jā rahe haiñ

abhī din nahīñ vo ki tauba kareñ ham

abhī fasl-e-gul hai piye jā rahe haiñ

ḳhudā ḳhair kar ab mire dil ko bhī vo

khilaunā samajh kar liye jā rahe haiñ

judā.ī kā ġham vo nahīñ sah sakeñge

isī ġham meñ 'shāhid' jiye jā rahe haiñ

wo wade pe wade kiye ja rahe hain

umidon pe hum bhi jiye ja rahe hain

gareban ki dhajji kisi ne na dekhi

magar lab khule to siye ja rahe hain

gila hi sahi kam se kam is bahane

mujhe yaad to wo kiye ja rahe hain

samajhna na waiz ise baada-noshi

dawa hosh ki hum piye ja rahe hain

abhi din nahin wo ki tauba karen hum

abhi fasl-e-gul hai piye ja rahe hain

KHuda KHair kar ab mere dil ko bhi wo

khilauna samajh kar liye ja rahe hain

judai ka gham wo nahin sah sakenge

isi gham mein 'shahid' jiye ja rahe hain