wo wusaten thin dil mein jo chaha bana liya

vo vus.ateñ thiiñ dil meñ jo chāhā banā liyā

sahrā banā liyā kabhī dariyā banā liyā

yuuñ rashk kī nigāh se kis kis ko dekhte

har aarzū ko apnī tamannā banā liyā

kab tak jahāñ se dard kī daulat sameTte

ḳhud apne dil ko ġham kā ḳhazīna banā liyā

duniyā kī koftoñ ko gavārā na kar sake

uqbā ko zindagī kā sahārā banā liyā

thī kā.enāt-e-husn kī saada sī ik jhalak

ham ne nigāh-e-shauq se kyā kyā banā liyā

is dil ko ham ne terī nigāhoñ ke saath saath

begāna kar liyā kabhī apnā banā liyā

wo wusaten thin dil mein jo chaha bana liya

sahra bana liya kabhi dariya bana liya

yun rashk ki nigah se kis kis ko dekhte

har aarzu ko apni tamanna bana liya

kab tak jahan se dard ki daulat sameTte

KHud apne dil ko gham ka KHazina bana liya

duniya ki kofton ko gawara na kar sake

uqba ko zindagi ka sahaara bana liya

thi kaenat-e-husn ki sada si ek jhalak

hum ne nigah-e-shauq se kya kya bana liya

is dil ko hum ne teri nigahon ke sath sath

begana kar liya kabhi apna bana liya