wo yaqin paikar hai kis ka nur-e-dida kaun hai

vo yaqīñ paikar hai kis kā nūr-e-dīda kaun hai

zulmat-e-shab meñ charāġh-e-āsā damīda kaun hai

gard-e-jāda kaun hai manzil rasīda kaun hai

vaqt kyā kahtā hai suniye barguzīda kaun hai

zahr-e-ġham pī juz-o-jāñ kar phir bhī maut aa.e to kyā

yuuñ bhī amrit kā yahāñ lazzat-chashīda kaun hai

farsh se tā-arsh yaksāñ hai sadā-e-marhabā

dekhnā ye sar-ba-kaf ye sar-burīda kaun hai

baat karte haiñ to muñh se duudh kī aatī hai bū

un meñ apnī mahfiloñ kā rañg-dīda kaun hai

ḳhaak se pā kar mafar kis ko na ḳhush aayā safar

dil girafta kaun hai ḳhātir-kabīda kaun hai

apne saa.e par hī jab markūz the zehn-o-nazar

koī kyoñ kar dekhtā qāmat-kashīda kaun hai

jab dur-e-kirdār par aañch aa ga.ī kyā rah gayā

ab ye sarf-e-mātam-e-rañg-e-parīda kaun hai

kis qadar shā.istagī se kah gayā vo apnā ġham

dostoñ kī ḳhair ho dushman-gazīda kaun hai

ġham na kar 'ġhausī' agar murda nahīñ terā zamīr

tujh se baḌh kar ḳhud tirā dīda-shunīda kaun hai

wo yaqin paikar hai kis ka nur-e-dida kaun hai

zulmat-e-shab mein charagh-e-asa damida kaun hai

gard-e-jada kaun hai manzil rasida kaun hai

waqt kya kahta hai suniye barguzida kaun hai

zahr-e-gham pi juz-o-jaan kar phir bhi maut aae to kya

yun bhi amrit ka yahan lazzat-chashida kaun hai

farsh se ta-arsh yaksan hai sada-e-marhaba

dekhna ye sar-ba-kaf ye sar-burida kaun hai

baat karte hain to munh se dudh ki aati hai bu

un mein apni mahfilon ka rang-dida kaun hai

KHak se pa kar mafar kis ko na KHush aaya safar

dil girafta kaun hai KHatir-kabida kaun hai

apne sae par hi jab markuz the zehn-o-nazar

koi kyon kar dekhta qamat-kashida kaun hai

jab dur-e-kirdar par aanch aa gai kya rah gaya

ab ye sarf-e-matam-e-rang-e-parida kaun hai

kis qadar shaistagi se kah gaya wo apna gham

doston ki KHair ho dushman-gazida kaun hai

gham na kar 'ghausi' agar murda nahin tera zamir

tujh se baDh kar KHud tera dida-shunida kaun hai