wo zaban apni kholta hi nahin

vo zabāñ apnī kholtā hī nahīñ

ye nahīñ hai ki boltā hī nahīñ

har adā us kī kuchh to hai kahtī

tū magar aañkh kholtā hī nahīñ

jitnā tum doge utnā pāoge

kam ziyāda vo toltā hī nahīñ

vo chaman kī bahār kyā jaane

jo darīchoñ ko kholtā hī nahīñ

band āñkheñ tarāzū haath meñ hai

vo magar kuchh bhī toltā hī nahīñ

jab yudhishthir bhī sach pe Tik na sake

aa.ina sach se Doltā hī nahīñ

kyuuñ na ho kaḌvī terī baat 'nayā'

jhuuT tū is meñ gholtā hī nahīñ

wo zaban apni kholta hi nahin

ye nahin hai ki bolta hi nahin

har ada us ki kuchh to hai kahti

tu magar aankh kholta hi nahin

jitna tum doge utna paoge

kam ziyaada wo tolta hi nahin

wo chaman ki bahaar kya jaane

jo darichon ko kholta hi nahin

band aankhen taraazu hath mein hai

wo magar kuchh bhi tolta hi nahin

jab yudhishthir bhi sach pe Tik na sake

aaina sach se Dolta hi nahin

kyun na ho kaDwi teri baat 'naya'

jhuT tu is mein gholta hi nahin