wo zaKHm phir se hara hai nishan na tha jis ka

vo zaḳhm phir se harā hai nishāñ na thā jis kā

huī hai raat vo bārish gumāñ na thā jis kā

havā.eñ ḳhud use sāhil pe lā ke chhoḌ ga.iiñ

vo ek naav koī bādbāñ na thā jis kā

kashīd kartā rahā hijratoñ se dard kī mai

koī to thā ki kahīñ ham-zabāñ na thā jis kā

isī ke dam se thī raunaq tamām bastī meñ

ki ḳhanda-lab thā magar ġham ayaañ na thā jis kā

jalī to yuuñ ki huā raakh añg añg mirā

ajiib aag thī koī dhuāñ na thā jis kā

wo zaKHm phir se hara hai nishan na tha jis ka

hui hai raat wo barish guman na tha jis ka

hawaen KHud use sahil pe la ke chhoD gain

wo ek naw koi baadban na tha jis ka

kashid karta raha hijraton se dard ki mai

koi to tha ki kahin ham-zaban na tha jis ka

isi ke dam se thi raunaq tamam basti mein

ki KHanda-lab tha magar gham ayan na tha jis ka

jali to yun ki hua rakh ang ang mera

ajib aag thi koi dhuan na tha jis ka