wo zamana-saz bhi tha aur wafa-pesha bhi tha

Tajdar Adil

wo zamana-saz bhi tha aur wafa-pesha bhi tha

Tajdar Adil

MORE BYTajdar Adil

    vo zamāna-sāz bhī thā aur vafā-pesha bhī thā

    maiñ ne chāhā nahīñ us shaḳhs ko samjhā bhī thā

    thī tamāzat ishq itnī ki vo vāpas gayā

    saath chalne ke liye kuchh duur tak aayā bhī thā

    ye haqīqat sahī lekin use mānegā kaun

    log pyāse bhī rahe aur aañkh meñ dariyā bhī thā

    is qadar chāhā use jitnā nahīñ chāhe koī

    ye mohabbat nahīñ us se mirā badlā bhī thā

    ḳhud yaqīñ dil ko na thā is se judā hone talak

    vo judā ho jā.egā is baat ko sochā bhī thā

    hijr shab meñ jo merī aañkh se Dhalkā nahīñ

    vo sitāra thā jo sub.h-e-vasl meñ chamkā bhī thā

    dasht-e-vīrāñ meñ kahīñ kuchh phuul bhī haiñ yaad ke

    sirf chhāyā nahīñ bādal kabhī barsā bhī thā

    is shanāsā.ī da.avā nā-shanāsī to hai

    mujh ko dekhā bhī thā jis ne aur jo chauñkā bhī thā

    ab maiñ lab-basta huuñ 'ādil' to faqat is vāste

    sirf samjhā nahīñ us shaḳhs ko chāhā bhī thā

    wo zamana-saz bhi tha aur wafa-pesha bhi tha

    main ne chaha hi nahin us shaKHs ko samjha bhi tha

    thi tamazat ishq ki itni ki wo wapas gaya

    sath chalne ke liye kuchh dur tak aaya bhi tha

    ye haqiqat hi sahi lekin use manega kaun

    log pyase bhi rahe aur aankh mein dariya bhi tha

    is qadar chaha use jitna nahin chahe koi

    ye mohabbat hi nahin us se mera badla bhi tha

    KHud yaqin dil ko na tha is se juda hone talak

    wo juda ho jaega is baat ko socha bhi tha

    hijr ki shab mein jo meri aankh se Dhalka nahin

    wo sitara tha jo subh-e-wasl mein chamka bhi tha

    dasht-e-viran mein kahin kuchh phul bhi hain yaad ke

    sirf chhaya hi nahin baadal kabhi barsa bhi tha

    is shanasai ka dawa na-shanasi hi to hai

    mujh ko dekha bhi tha jis ne aur jo chaunka bhi tha

    ab main lab-basta hun 'adil' to faqat is waste

    sirf samjha hi nahin us shaKHs ko chaha bhi tha

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY