wo zindagi ki jis mein aziyyat nahin koi

vo zindagī ki jis meñ aziyyat nahīñ koī

ik ḳhvāb hai ki jis kī haqīqat nahīñ koī

merī vafā ko zulf-o-lab-o-chashm se na dekh

kār-e-ḳhulūs-e-zāt kī ujrat nahīñ koī

taslīm tere rabt-o-ḳhulūs-o-vafā ke naam

ḳhush huuñ ki in meñ lafz-e-mohabbat nahīñ koī

ḳhalvat meñ gar vujūd pe isrār ho to ho

bāzār meñ to zaat kī qīmat nahīñ koī

ham barzaḳh-e-vafā ke jazā-yāftoñ ke paas

ik jism hai so jism kī jannat nahīñ koī

har faisle ko roz-e-qayāmat pe chhoḌ deñ

is jabr se to baḌh ke qayāmat nahīñ koī

ye shahr qatl-gāh nahīñ phir bhī ai 'sahar'

kyā qahr hai ki jism salāmat nahīñ koī

wo zindagi ki jis mein aziyyat nahin koi

ek KHwab hai ki jis ki haqiqat nahin koi

meri wafa ko zulf-o-lab-o-chashm se na dekh

kar-e-KHulus-e-zat ki ujrat nahin koi

taslim tere rabt-o-KHulus-o-wafa ke nam

KHush hun ki in mein lafz-e-mohabbat nahin koi

KHalwat mein gar wujud pe israr ho to ho

bazar mein to zat ki qimat nahin koi

hum barzaKH-e-wafa ke jaza-yafton ke pas

ek jism hai so jism ki jannat nahin koi

har faisle ko roz-e-qayamat pe chhoD den

is jabr se to baDh ke qayamat nahin koi

ye shahr qatl-gah nahin phir bhi ai 'sahar'

kya qahr hai ki jism salamat nahin koi