wusat-e-shauq se ek shama jalai na gai

vus.at-e-shauq se ik sham.a jalā.ī na ga.ī

vo bhī kyā baat thī jo ham se banā.ī na ga.ī

gar muḳhālif the mire lafz tire har ḳhat ke

ham se par ḳhat meñ tire aag lagā.ī na ga.ī

Dor auroñ kī hathelī meñ rakhī hai ham ne

zindagī terī patañg ham se uḌaa.ī na ga.ī

tum ga.e raunaq-e-duniyā bhī ga.ī saath tire

ham se phir bazm-e-mohabbat bhī sajā.ī na ga.ī

do pahar saath rahī chhoḌ diyā phir tanhā

vo to ḳhushbū thī ki vāpas bhī bulā.ī na ga.ī

narm āġhosh shafaq hoñT gulābī chehrā

ham se ye irs-e-javānī bhī bulā.ī na ga.ī

us ne chehre pe ka.ī chehre lagā.e 'rāsiḳh'

us se par dil kī kahānī to chhupā.ī na ga.ī

wusat-e-shauq se ek shama jalai na gai

wo bhi kya baat thi jo hum se banai na gai

gar muKHalif the mere lafz tere har KHat ke

hum se par KHat mein tere aag lagai na gai

Dor auron ki hatheli mein rakhi hai hum ne

zindagi teri patang hum se uDai na gai

tum gae raunaq-e-duniya bhi gai sath tere

hum se phir bazm-e-mohabbat bhi sajai na gai

do pahar sath rahi chhoD diya phir tanha

wo to KHushbu thi ki wapas bhi bulai na gai

narm aaghosh shafaq honT gulabi chehra

hum se ye irs-e-jawani bhi bulai na gai

us ne chehre pe kai chehre lagae 'rasiKH'

us se par dil ki kahani to chhupai na gai