wusat mere KHayal mein arz-o-sama ki hai

vus.at mire ḳhayāl meñ arz-o-samā kī hai

mahram nazar mirī haram-e-kibriyā kī hai

har shai se husn-e-sān.e-e-qudrat hai āshkār

har gul meñ bū basī kisī rangīñ adā kī hai

pahuñcheñ duā.eñ bāb-e-harīm-e-qubūl tak

tāsīr ye kisī dil-e-dard-āshnā kī hai

gulshan meñ hai ḳhirām urūs-e-bahār kā

katre haiñ gul ye turfa ravish naqsh-e-pā kī hai

ab dīdanī hai har gul-e-rangīñ kā bāñkpan

aalam shabāb kā hai nazākat balā kī hai

gulzār marġh-zār meñ aur sabza-zār meñ

naddī ravāñ nasīm ke juud o saḳhā kī hai

bulbul kī lai meñ barbat-e-tauhīd kā hai soz

har samt dhuum baaġh meñ sall-e-alā kī hai

naġhma-sarā hai fāḳhta vahdat ke saaz par

nāloñ meñ qumriyoñ ke ajab nai safā kī hai

kaliyoñ ke qahqahe haiñ fazā-e-basīt meñ

ġhunchoñ se aaj āñkh-micholī sabā kī hai

'maḳhfī' kisī ġharīb ke nāloñ kā hai asar

aaya hai abr jhuum ke rahmat ḳhudā kī hai

wusat mere KHayal mein arz-o-sama ki hai

mahram nazar meri haram-e-kibriya ki hai

har shai se husn-e-sane-e-qudrat hai aashkar

har gul mein bu basi kisi rangin ada ki hai

pahunchen duaen bab-e-harim-e-qubul tak

tasir ye kisi dil-e-dard-ashna ki hai

gulshan mein hai KHiram urus-e-bahaar ka

katre hain gul ye turfa rawish naqsh-e-pa ki hai

ab didani hai har gul-e-rangin ka bankpan

aalam shabab ka hai nazakat bala ki hai

gulzar margh-zar mein aur sabza-zar mein

naddi rawan nasim ke jud o saKHa ki hai

bulbul ki lai mein barbat-e-tauhid ka hai soz

har samt dhum bagh mein sall-e-ala ki hai

naghma-sara hai faKHta wahdat ke saz par

nalon mein qumriyon ke ajab nai safa ki hai

kaliyon ke qahqahe hain faza-e-basit mein

ghunchon se aaj aankh-micholi saba ki hai

'maKHfi' kisi gharib ke nalon ka hai asar

aaya hai abr jhum ke rahmat KHuda ki hai