kuchh apni jo hurmat tujhe manzur ho ai shaiKH
kuchh apni jo hurmat tujhe manzur ho ai shaiKH
Mushafi Ghulam Hamdani
MORE BYMushafi Ghulam Hamdani
kuchh apnī jo hurmat tujhe manzūr ho ai shaiḳh
tū bahs na mai-ḳhvāroñ se chal duur ho ai shaiḳh
masjid meñ zarā vaqt-e-sahar dekh to jā kar
shāyad koī us chashm kā maḳhmūr ho ai shaiḳh
sad dāna-e-tasbīh rakhe haath meñ apne
chauñke to jo yak-dāna-e-añgūr ho ai shaiḳh
tū mujh ko kahe ek maiñ sau tujh ko sunā.ūñ
ai kaash ki itnā mujhe maqdūr ho ai shaiḳh
aayā hai vo badmast liye haath meñ shamshīr
majlis se shitābī kahīñ kāfūr ho ai shaiḳh
kartā hai hameñ man.a tū paimāna-kashī se
paimāna tirī umr kā ma.amūr ho ai shaiḳh
albatta kare man.a hameñ ishq-e-butāñ se
tujh sā jo koī aql se ma.azūr ho ai shaiḳh
phir dum hai vo shimla jo huā had se ziyāda
rakh shimla tū shimle kā jo dastūr ho ai shaiḳh
har harf meñ saḳhtī hai tire sañg-e-jafā se
Dartā huuñ na phir shīsha-e-dil chuur ho ai shaiḳh
kyā huur kī bātoñ se lubhāve hai tū mujh ko
hāshā ki mujhe ārzū-e-hūr ho ai shaiḳh
sheḳhī meñ to suntā hī nahīñ baat kisī kī
is dāḌhī par itnā bhī na maġhrūr ho ai shaiḳh
kyuuñ 'mus.hafī' ko itnī tū kartā hai nasīhat
sar chaḌh na bahut us ke jo majbūr ho ai shaiḳh
kuchh apni jo hurmat tujhe manzur ho ai shaiKH
tu bahs na mai-KHwaron se chal dur ho ai shaiKH
masjid mein zara waqt-e-sahar dekh to ja kar
shayad koi us chashm ka maKHmur ho ai shaiKH
sad dana-e-tasbih rakhe hath mein apne
chaunke to jo yak-dana-e-angur ho ai shaiKH
tu mujh ko kahe ek main sau tujh ko sunaun
ai kash ki itna mujhe maqdur ho ai shaiKH
aaya hai wo badmast liye hath mein shamshir
majlis se shitabi kahin kafur ho ai shaiKH
karta hai hamein mana tu paimana-kashi se
paimana teri umr ka mamur ho ai shaiKH
albatta kare mana hamein ishq-e-butan se
tujh sa jo koi aql se mazur ho ai shaiKH
phir dum hai wo shimla jo hua had se ziyaada
rakh shimla tu shimle ka jo dastur ho ai shaiKH
har harf mein saKHti hai tere sang-e-jafa se
Darta hun na phir shisha-e-dil chur ho ai shaiKH
kya hur ki baaton se lubhawe hai tu mujh ko
hasha ki mujhe aarzu-e-hur ho ai shaiKH
sheKHi mein to sunta hi nahin baat kisi ki
is daDhi par itna bhi na maghrur ho ai shaiKH
kyun 'mushafi' ko itni tu karta hai nasihat
sar chaDh na bahut us ke jo majbur ho ai shaiKH
Source:
kulliyat-e-mas.hafii(divan-e-doom) (Pg. 148)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
