ya-rab meri us but se mulaqat kahin ho
yā-rab mirī us but se mulāqāt kahīñ ho
jis baat ko jī chāhe hai vo baat kahīñ ho
gar qurb-e-suḳhan us se nahīñ duur se ai kaash
nazroñ hī meñ Tuk harf-o-hikāyat kahīñ ho
phirtā hai hasīnoñ se bahut āñkheñ laḌātā
Dartā huuñ na dil masdar-e-āfāt kahīñ ho
hote hue dushman ke kahūñ kyuuñ ke meñ kuchh baat
majlis se tirī daf.a ye bad-zāt kahīñ ho
kāġhaz pe shab o roz tirī khīñchūñ huuñ tasvīr
ya.anī isī sūrat basar-auqāt kahīñ ho
hai aaj kī shab va.ada-e-vasl us kā mire saath
yā-rab ki shitābī se ye din raat kahīñ ho
de Daalo dil-e-'mus.hafī' tum varna mirī jaan
rusvā.ī hai vo tum pe gar isbāt kahīñ ho
ya-rab meri us but se mulaqat kahin ho
jis baat ko ji chahe hai wo baat kahin ho
gar qurb-e-suKHan us se nahin dur se ai kash
nazron hi mein Tuk harf-o-hikayat kahin ho
phirta hai hasinon se bahut aankhen laData
Darta hun na dil masdar-e-afat kahin ho
hote hue dushman ke kahun kyun ke mein kuchh baat
majlis se teri dafa ye bad-zat kahin ho
kaghaz pe shab o roz teri khinchun hun taswir
yani isi surat basar-auqat kahin ho
hai aaj ki shab wada-e-wasl us ka mere sath
ya-rab ki shitabi se ye din raat kahin ho
de Dalo dil-e-'mushafi' tum warna meri jaan
ruswai hai wo tum pe gar isbaat kahin ho
Source:
kulliyat-e-mas.hafii(awwa) (Pg. 312)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
