ya sitam kar ya karam chahe so kar
yā sitam kar yā karam chāhe so kar
chāhte haiñ tujh ko ham chāhe so kar
maar chāhe chhoḌ mujh ko jiite jī
maiñ na chhoḌūñgā qadam chāhe so kar
bazm meñ mahrūm mat rakh de mujhe
jām-e-mai yā jām-e-sam chāhe so kar
kufr yā islām kuchh kar iḳhtiyār
ek hai dair-o-haram chāhe so kar
maar khā.ūñgā par aane kī yahāñ
maiñ na khā.ūñgā qasam chāhe so kar
ab to maiñ shikva karūñgā ho so ho
naak meñ aayā hai dam chāhe so kar
ik ġhazal to aur bhī 'besabr' tū
is zamīñ meñ kar raqam chāhe so kar
ya sitam kar ya karam chahe so kar
chahte hain tujh ko hum chahe so kar
mar chahe chhoD mujh ko jite ji
main na chhoDunga qadam chahe so kar
bazm mein mahrum mat rakh de mujhe
jam-e-mai ya jam-e-sam chahe so kar
kufr ya islam kuchh kar iKHtiyar
ek hai dair-o-haram chahe so kar
mar khaunga par aane ki yahan
main na khaunga qasam chahe so kar
ab to main shikwa karunga ho so ho
nak mein aaya hai dam chahe so kar
ek ghazal to aur bhi 'besabr' tu
is zamin mein kar raqam chahe so kar
Source:
Ghalib Ka Ek Mashshaq Shagird Balmukund Besabr (Pg. 123)
- Author: Kalidas Gupta Raza
-
- Publisher: Sakar Publisher, Mumbai
- Year of Publication: 1992
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
