yaad aaegi bahut tumko kahani meri

yaad aa.egī bahut tum ko kahānī merī

ġham meñ Duubī huī kambaḳht javānī merī

hañs rahā huuñ jo bhalā is meñ bhī hairat kaisī

ġham meñ hañsne kī to ‘ādat hai purānī merī

merī ġhazleñ hī nahīñ jism bhī hai ḳhud merā

mujh ko mā'lūm hai har chiiz hai faanī merī

ġham ke badle meñ zamāne se mohabbat kī hai

bas rahegī ye zamāne meñ nishānī merī

dil zamāne se lagānā na 'dharam' sab ne kahā

dil to dil thā yahī ik baat na maanī merī

yaad aaegi bahut tum ko kahani meri

gham mein Dubi hui kambaKHt jawani meri

hans raha hun jo bhala is mein bhi hairat kaisi

gham mein hansne ki to ‘adat hai purani meri

meri ghazlen hi nahin jism bhi hai KHud mera

mujh ko ma'lum hai har chiz hai fani meri

gham ke badle mein zamane se mohabbat ki hai

bas rahegi ye zamane mein nishani meri

dil zamane se lagana na 'dharam' sab ne kaha

dil to dil tha yahi ek baat na mani meri