yaad aate hain jab ahbab purane mere

yaad aate haiñ jab ahbāb purāne mere

karb-e-ehsās se jhuk jaate haiñ shāne mere

mirī taqdīr meñ shāyad koī ta.abīr nahīñ

rah ga.e yuuñ hī dhare ḳhvāb suhāne mere

vird kartā rahā maiñ harf-e-sadāqat jin par

mo'atabar haiñ vahī tasbīh ke daane mere

mirī shohrat to hai ahbāb kī mamnūn-e-karam

ḳhuub baḌh baḌh ke sunāte haiñ fasāne mere

bazm-e-aġhyār kā māhaul bhī mānūs lagā

har nazar log mile jaane begāne mere

sabr kī aañch se patthar bhī pighal jaatā hai

but bane aaj vo baiThe haiñ sirhāne mere

mutma.in huuñ maiñ 'jamīl' apnī shakebā.ī par

is zamāne meñ bhī haiñ hosh Thikāne mere

yaad aate hain jab ahbab purane mere

karb-e-ehsas se jhuk jate hain shane mere

meri taqdir mein shayad koi tabir nahin

rah gae yun hi dhare KHwab suhane mere

wird karta raha main harf-e-sadaqat jin par

mo'atabar hain wahi tasbih ke dane mere

meri shohrat to hai ahbab ki mamnun-e-karam

KHub baDh baDh ke sunate hain fasane mere

bazm-e-aghyar ka mahaul bhi manus laga

har nazar log mile jaane begane mere

sabr ki aanch se patthar bhi pighal jata hai

but bane aaj wo baiThe hain sirhane mere

mutmain hun main 'jamil' apni shakebai par

is zamane mein bhi hain hosh Thikane mere