yaad aur gham ki riwayat se nikla hua hai
yaad aur ġham kī rivāyāt se niklā huā hai
dil jo is vaqt mire haat se niklā huā hai
muḌ ke dekhe bhī to patthar nahīñ hotā koī
jaane kyā shahr-e-tilismāt se niklā huā hai
raat ye kaun sā mehmān mire ghar aayā
saarā ghar halqa-e-āfāt se niklā huā hai
hujra-e-hijr meñ baiThā hai jo majzūb-sifat
arsa-e-shor-e-munājāt se niklā huā hai
lashkarī gaañv pe shab-ḳhūn nahīñ māreñge
hausla gasht pe kal raat se niklā huā hai
mānte kab haiñ bhalā ūñche makānoñ vaale
shahr kā shahr mazāfāt se niklā huā hai
zar kā banda ho ki mahrūmī kā maarā huā shaḳhs
jis ko dekho vahī auqāt se niklā huā hai
yaad aur gham ki riwayat se nikla hua hai
dil jo is waqt mere hat se nikla hua hai
muD ke dekhe bhi to patthar nahin hota koi
jaane kya shahr-e-tilismat se nikla hua hai
raat ye kaun sa mehman mere ghar aaya
sara ghar halqa-e-afat se nikla hua hai
hujra-e-hijr mein baiTha hai jo majzub-sifat
arsa-e-shor-e-munajat se nikla hua hai
lashkari ganw pe shab-KHun nahin marenge
hausla gasht pe kal raat se nikla hua hai
mante kab hain bhala unche makanon wale
shahr ka shahr mazafat se nikla hua hai
zar ka banda ho ki mahrumi ka mara hua shaKHs
jis ko dekho wahi auqat se nikla hua hai
Source:
Anaa-ul-Ishq (Pg. 56)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
