yaad hai ab tak mujhe ahd-e-jawani yaad hai

yaad hai ab tak mujhe ahd-e-javānī yaad hai

dil ke basne aur ujaḌne kī kahānī yaad hai

yaad hai ab tak kisī kī mehrbānī yaad hai

ārizoñ par apne ashkoñ kī ravānī yaad hai

bistar-e-hirmāñ pe vo pahlū badalnā baar baar

ġham kī rātoñ meñ vo qahr-e-āsmānī yaad hai

rūThne aur ruuTh kar manñe ke har andāz kī

mehrbānī yaad hai nā-mehrbānī yaad hai

yaad hai ab tak mujhe vo ālam-e-guft-o-shunīd

rū-ba-rū-e-dost paiġhām-e-zabānī yaad hai

yaad hai ab tak tire maktūb-e-rañgīñ kī bahār

saada saada kāġhazoñ par gul-fishānī yaad hai

baar baar uThnā sar-e-mahfil nigāh-e-nāz kā

gardish-e-jām-e-sharāb-e-arġhavānī yaad hai

qurb kī ghaḌiyoñ meñ gaahe hijr ke lamhāt meñ

kāmrānī yaad hai nā-kāmrānī yaad hai

bārgāh-e-husn meñ ai 'barq' fart-e-ro.ab se

yaad hai ab tak vo apnī be-zabānī yaad hai

yaad hai ab tak mujhe ahd-e-jawani yaad hai

dil ke basne aur ujaDne ki kahani yaad hai

yaad hai ab tak kisi ki mehrbani yaad hai

aarizon par apne ashkon ki rawani yaad hai

bistar-e-hirman pe wo pahlu badalna bar bar

gham ki raaton mein wo qahr-e-asmani yaad hai

ruThne aur ruTh kar manne ke har andaz ki

mehrbani yaad hai na-mehrbani yaad hai

yaad hai ab tak mujhe wo aalam-e-guft-o-shunid

ru-ba-ru-e-dost paigham-e-zabani yaad hai

yaad hai ab tak tere maktub-e-rangin ki bahaar

sada sada kaghazon par gul-fishani yaad hai

bar bar uThna sar-e-mahfil nigah-e-naz ka

gardish-e-jam-e-sharab-e-arghawani yaad hai

qurb ki ghaDiyon mein gahe hijr ke lamhat mein

kaamrani yaad hai na-kaamrani yaad hai

bargah-e-husn mein ai 'barq' fart-e-roab se

yaad hai ab tak wo apni be-zabani yaad hai