yaad hai ek ek lamhe ka khichao dekhna

yaad hai ik ek lamhe kā khichāo dekhnā

raat ke qulzum meñ sadiyoñ kā bahāo dekhnā

vaqt se pahle na phaT jaa.e ġhubāra zehn kā

phailne vaale ḳhayāloñ kā dabāo dekhnā

vo to kho baiThā hai pahle hī se apnī raushnī

is diye ko duur hī se ai havāo dekhnā

kuchh to hoñ mahsūs tum ko zindagī kī uljhaneñ

shahriyoñ ḳhāna-ba-doshoñ ke paḌāv dekhnā

varna do TukḌoñ meñ baT jā.egī us kī zindagī

hai zarūrat kitnā dhāge ko khichāo dekhnā

phir havā se ruuTh kar kholā hai tū ne bādbāñ

phir ġhalat ruḳh par na bah jaa.e ye naav dekhnā

yaad hai ek ek lamhe ka khichao dekhna

raat ke qulzum mein sadiyon ka bahao dekhna

waqt se pahle na phaT jae ghubara zehn ka

phailne wale KHayalon ka dabao dekhna

wo to kho baiTha hai pahle hi se apni raushni

is diye ko dur hi se ai hawao dekhna

kuchh to hon mahsus tum ko zindagi ki uljhanen

shahriyon KHana-ba-doshon ke paDaw dekhna

warna do TukDon mein baT jaegi us ki zindagi

hai zarurat kitna dhage ko khichao dekhna

phir hawa se ruTh kar khola hai tu ne baadban

phir ghalat ruKH par na bah jae ye naw dekhna