yaad jo tujhko kar rahe hain hum

yaad jo tujh ko kar rahe haiñ ham

kyā haqīqat meñ mar rahe haiñ ham

terī furqat meñ vaqt kī sūrat

rafta rafta guzar rahe haiñ ham

kal mirī ruuh ne kahā mujh se

jism se kah do mar rahe haiñ ham

aaj tere ruḳh-e-munavvar se

nuur āñkhoñ meñ bhar rahe haiñ ham

jaise jaise vo tanz karte haiñ

vaise vaise nikhar rahe haiñ ham

yaad us kī na aa.e kyuuñ 'maz.har'

muddatoñ ham-safar rahe haiñ ham

yaad jo tujh ko kar rahe hain hum

kya haqiqat mein mar rahe hain hum

teri furqat mein waqt ki surat

rafta rafta guzar rahe hain hum

kal meri ruh ne kaha mujh se

jism se kah do mar rahe hain hum

aaj tere ruKH-e-munawwar se

nur aankhon mein bhar rahe hain hum

jaise jaise wo tanz karte hain

waise waise nikhar rahe hain hum

yaad us ki na aae kyun 'mazhar'

muddaton ham-safar rahe hain hum