aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

yaad karne ka tumhein koi irada bhi na tha

Gulnar Aafreen

yaad karne ka tumhein koi irada bhi na tha

Gulnar Aafreen

MORE BYGulnar Aafreen

    yaad karne tumheñ koī irāda bhī na thā

    aur tumheñ dil se bhulā deñ ye gavārā bhī na thā

    har taraf taptī huī dhuup thī ai umr-e-ravāñ

    duur tak dasht-e-alam meñ koī saayā bhī na thā

    mish.al-e-jāñ bhī jalā.ī na ga.ī thī ham se

    aur palkoñ pe shab-e-ġham koī taarā bhī na thā

    ham sar-e-rāh-e-vafā us ko sadā kyā dete

    jaane vaale ne palaT kar hameñ dekhā bhī na thā

    ho ga.ī ḳhatm sarāboñ meñ bhaTaktī huī ziist

    dil meñ hasrat rahī dasht meñ dariyā bhī na thā

    kis ḳhamoshī se jalā dāman-e-dil ai 'gulnār'

    koī shola bhī na thā koī sharārā bhī na thā

    yaad karne ka tumhein koi irada bhi na tha

    aur tumhein dil se bhula den ye gawara bhi na tha

    har taraf tapti hui dhup thi ai umr-e-rawan

    dur tak dasht-e-alam mein koi saya bhi na tha

    mishal-e-jaan bhi jalai na gai thi hum se

    aur palkon pe shab-e-gham koi tara bhi na tha

    hum sar-e-rah-e-wafa us ko sada kya dete

    jaane wale ne palaT kar hamein dekha bhi na tha

    ho gai KHatm sarabon mein bhaTakti hui zist

    dil mein hasrat hi rahi dasht mein dariya bhi na tha

    kis KHamoshi se jala daman-e-dil ai 'gulnar'

    koi shola bhi na tha koi sharara bhi na tha

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now