yaad kya yaad ka sahaara kya

yaad kyā yaad kā sahārā kyā

is khilaune se dil bahaltā kyā

anjuman anjuman hai tanhā.ī

shahr-dar-shahr hai tamāshā kyā

ham bhī duniyā ko yaad aa na sake

yaad aatī hameñ bhī duniyā kyā

mere hamrāh merī manzil tak

yūñhī chaltā rahegā rastā kyā

zaḳhm hī zaḳhm detī jā.egī

muskurāne kī ik tamannā kyā

kis ne rokā guzarte lamhoñ ko

lauT aa.e vo ahd-e-rafta kyā

'aks maġhmūm hai bahut 'rāhī'

aa.ina ab nahīñ shanāsā kyā

yaad kya yaad ka sahaara kya

is khilaune se dil bahalta kya

anjuman anjuman hai tanhai

shahr-dar-shahr hai tamasha kya

hum bhi duniya ko yaad aa na sake

yaad aati hamein bhi duniya kya

mere hamrah meri manzil tak

yunhi chalta rahega rasta kya

zaKHm hi zaKHm deti jaegi

muskurane ki ek tamanna kya

kis ne roka guzarte lamhon ko

lauT aae wo ahd-e-rafta kya

'aks maghmum hai bahut 'rahi'

aaina ab nahin shanasa kya