yaad mazi ke charaghon ko bujhaya na karo

yaad maazī ke charāġhoñ ko bujhāyā na karo

tum bhī tanhā na raho mujh ko bhī tanhā na karo

nafas-e-bād-e-sabā haath na aa.egā kabhī

gul kī uḌtī huī ḳhushbū kā ahāta na karo

ham ne dekhā hai dam-e-āḳhir-e-shab ḳhvāb koī

tum se kahnā hai ki ta.abīr kā charchā na karo

kuchh na kuchh hogā mire ḳhaak uḌāne kā sabab

jaane vaalo mujhe āvāza-e-sahrā na karo

yuuñ na mahsūs ho aflāk-nashīñ hai koī

is qadar duur se to mujh ko pukārā na karo

yaad mazi ke charaghon ko bujhaya na karo

tum bhi tanha na raho mujh ko bhi tanha na karo

nafas-e-baad-e-saba hath na aaega kabhi

gul ki uDti hui KHushbu ka ahata na karo

hum ne dekha hai dam-e-aKHir-e-shab KHwab koi

tum se kahna hai ki tabir ka charcha na karo

kuchh na kuchh hoga mere KHak uDane ka sabab

jaane walo mujhe aawaza-e-sahra na karo

yun na mahsus ho aflak-nashin hai koi

is qadar dur se to mujh ko pukara na karo