yaaden hain shab-e-gham hai aur ashk-fishani hai

yādeñ haiñ shab-e-ġham hai aur ashk-fishānī hai

sun ai dil-e-dīvāna terī ye kahānī hai

kashtī kā buḌhāpā hai tūfāñ kī javānī hai

pī leñge samundar ko ham ne bhī ye Thānī hai

ai jazba-e-sādiq tū fānūs-e-mohabbat hai

jo gul na ho āñdhī se vo sham.a jalānī hai

bas ek mohabbat hai jis ko hai baqā varna

is ālam-e-fānī meñ jo chiiz hai faanī hai

husn-e-ruḳh-e-duniyā kā har dil pe asar dekhā

ā.īne badalte haiñ tasvīr purānī hai

lafzoñ ko muhib de de dhaḌkan dil-e-maḳhzan kī

mahfil meñ ġhazal apnī un ko jo sunānī hai

yaaden hain shab-e-gham hai aur ashk-fishani hai

sun ai dil-e-diwana teri ye kahani hai

kashti ka buDhapa hai tufan ki jawani hai

pi lenge samundar ko hum ne bhi ye Thani hai

ai jazba-e-sadiq tu fanus-e-mohabbat hai

jo gul na ho aandhi se wo shama jalani hai

bas ek mohabbat hai jis ko hai baqa warna

is aalam-e-fani mein jo chiz hai fani hai

husn-e-ruKH-e-duniya ka har dil pe asar dekha

aaine badalte hain taswir purani hai

lafzon ko muhib de de dhaDkan dil-e-maKHzan ki

mahfil mein ghazal apni un ko jo sunani hai