yādgār-e-zamāna haiñ ham log
sun rakho tum fasāna haiñ ham log
ḳhalq se ho ga.e haiñ begāne
shāyad us ke yagāna haiñ ham log
kyuuñ na har gul pe hoveñ zamzama-sanj
bulbul-e-ḳhush-tarāna haiñ ham log
sab ke maḳhdūm haiñ vale tere
ḳhādim-e-āstāna haiñ ham log
tīr-e-mizhgāñ hai kyā balā jis ke
jān-o-dil se nishāna haiñ ham log
yaar aage nikal ga.e haiñ ka.ī
pīchhe un ke ravāna haiñ ham log
apne jī meñ samajh tū zulf-e-darāz
qābil-e-tāziyāna haiñ ham log
'muntazir' shakl-e-bulbul-e-vahshī
Dushman-e-āshiyana haiñ ham log
yaadgar-e-zamana hain hum log
sun rakho tum fasana hain hum log
KHalq se ho gae hain begane
shayad us ke yagana hain hum log
kyun na har gul pe howen zamzama-sanj
bulbul-e-KHush-tarana hain hum log
sab ke maKHdum hain wale tere
KHadim-e-astana hain hum log
tir-e-mizhgan hai kya bala jis ke
jaan-o-dil se nishana hain hum log
yar aage nikal gae hain kai
pichhe un ke rawana hain hum log
apne ji mein samajh tu zulf-e-daraaz
qabil-e-taziyana hain hum log
'muntazir' shakl-e-bulbul-e-wahshi
Dushman-e-ashiyana hain hum log
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.