yaadon ka koi dip jalae to baat hai

yādoñ kā koī diip jalā.e to baat hai

vo chāñdnī hai paas bulā.e to baat hai

aa kar kisī bhī baaġh meñ mil jaa.e ḳhair hai

gorī agar na ghar pe bulā.e to baat hai

phir zikr chāhatoñ kā samā.at kā husn ho

phir dāstān-e-vasl sunā.e to baat hai

hai vaqt mehrbāñ to kare shād-kām dil

ye dūriyoñ ke zaḳhm bhulā.e to baat hai

rut hai milan kī us ke bhī raste meñ aa.e haiñ

taaza gulāb haath pe laa.e to baat hai

'āshiq' hai āshiqī kī zarūrī hai gar use

is āshiqī meñ ḳhud ko gañvā.e to baat hai

yaadon ka koi dip jalae to baat hai

wo chandni hai pas bulae to baat hai

aa kar kisi bhi bagh mein mil jae KHair hai

gori agar na ghar pe bulae to baat hai

phir zikr chahaton ka samaat ka husn ho

phir dastan-e-wasl sunae to baat hai

hai waqt mehrban to kare shad-kaam dil

ye duriyon ke zaKHm bhulae to baat hai

rut hai milan ki us ke bhi raste mein aae hain

taza gulab hath pe lae to baat hai

'ashiq' hai aashiqi ki zaruri hai gar use

is aashiqi mein KHud ko ganwae to baat hai