yaadon se mahakti hui is raat mein kya hai
yādoñ se mahaktī huī is raat meñ kyā hai
ye raaz khulā aaj ki jazbāt meñ kyā hai
ik tujh se hī ummīd lagā rakkhī hai varna
ye mujh ko ḳhabar hai ki mirī zaat meñ kyā hai
ye kah ke parindoñ ne bharī aaj uḌāneñ
shahroñ kī taraf chalte haiñ dehāt meñ kyā hai
yuuñ ġhaur se hāthoñ kī lakīreñ na paḌhā kar
bigḌeñge sañvar jā.eñge hālāt meñ kyā hai
khiñchte hī chale aate haiñ dil shahr-e-havas meñ
jaadū tirī āñkhoñ meñ tirī baat meñ kyā hai
pahle to daraḳhtoñ se nikaltī thiiñ karāheñ
is baar zarā dekhiye barsāt meñ kyā hai
yaadon se mahakti hui is raat mein kya hai
ye raaz khula aaj ki jazbaat mein kya hai
ek tujh se hi ummid laga rakkhi hai warna
ye mujh ko KHabar hai ki meri zat mein kya hai
ye kah ke parindon ne bhari aaj uDanen
shahron ki taraf chalte hain dehat mein kya hai
yun ghaur se hathon ki lakiren na paDha kar
bigDenge sanwar jaenge haalat mein kya hai
khinchte hi chale aate hain dil shahr-e-hawas mein
jadu teri aankhon mein teri baat mein kya hai
pahle to daraKHton se nikalti thin karahen
is bar zara dekhiye barsat mein kya hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
