yan kise gham hai jo girya ne asar chhoD diya

Nizam Rampuri

yan kise gham hai jo girya ne asar chhoD diya

Nizam Rampuri

MORE BY Nizam Rampuri

    yaañ kise ġham hai jo girya ne asar chhoḌ diyā

    ham ne to shaġhl ai dīda-e-tar chhoḌ diyā

    dil-e-betāb kuchh dhyān na aayā us dam

    haa.e kyuuñ ham ne ise vaqt-e-sahar chhoḌ diyā

    kyā satā.e nahīñ jaate haiñ va-lekin chup haiñ

    shikva karnā tirā ai rashk-e-qamar chhoḌ diyā

    dam-e-ruḳhsat kabhī kuchh dil tamannā na kahī

    dāman-e-yār udhar pakḌā idhar chhoḌ diyā

    dil ulfat na sahī pyaar bāteñ na sahī

    dekhnā bhī to idhar ek nazar chhoḌ diyā

    ġhair ke dhoke meñ ḳhat le ke mirā qāsid se

    paḌhne ko paḌh to liyā naam magar chhoḌ diyā

    ġhair se va.ada o iqrār hue kyā kyā kuchh

    mere ḳhush karne ko ik fiqra udhar chhoḌ diyā

    maiñ na kahtā thā ki bahkā.enge tum ko dushman

    tum ne kis vāste aanā mire ghar chhoḌ diyā

    muñh se jo kahte haiñ vo kar ke dikhā deñge tumheñ

    be-qarārī ne hameñ chain pe gar chhoḌ diyā

    huur bhī sāmne ab aa.e to kab dekheñ 'nizām'

    barseñ guzreñ hameñ vo shauq-e-nazar chhoḌ diyā

    yan kise gham hai jo girya ne asar chhoD diya

    hum ne to shaghl hi ai dida-e-tar chhoD diya

    dil-e-betab ka kuchh dhyan na aaya us dam

    hae kyun hum ne ise waqt-e-sahar chhoD diya

    kya satae nahin jate hain wa-lekin chup hain

    shikwa karna tera ai rashk-e-qamar chhoD diya

    dam-e-ruKHsat kabhi kuchh dil ki tamanna na kahi

    daman-e-yar udhar pakDa idhar chhoD diya

    dil ki ulfat na sahi pyar ki baaten na sahi

    dekhna bhi to idhar ek nazar chhoD diya

    ghair ke dhoke mein KHat le ke mera qasid se

    paDhne ko paDh to liya nam magar chhoD diya

    ghair se wada o iqrar hue kya kya kuchh

    mere KHush karne ko ek fiqra udhar chhoD diya

    main na kahta tha ki bahkaenge tum ko dushman

    tum ne kis waste aana mere ghar chhoD diya

    munh se jo kahte hain wo kar ke dikha denge tumhein

    be-qarari ne hamein chain pe gar chhoD diya

    hur bhi samne ab aae to kab dekhen 'nizam'

    barsen guzren hamein wo shauq-e-nazar chhoD diya

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY