yar hai tu jis ko samjha ghair hai

yaar hai tū jis ko samjhā ġhair hai

ġhair apnā kaun apnā ġhair hai

ġhair kā ahvāl sunte haiñ vo ḳhuub

is liye ahvāl merā ġhair hai

hai tirī teġh-e-nigah meñ kyā asar

vaar ho ham par to kaTtā ġhair hai

ġhair samjhā hai yahāñ tak ham ko yaar

bosa māñgeñ ham to paatā ġhair hai

agle yāroñ meñ tumhāre thā 'nasīm'

aaj samjhe ham ki aglā ġhair hai

yar hai tu jis ko samjha ghair hai

ghair apna kaun apna ghair hai

ghair ka ahwal sunte hain wo KHub

is liye ahwal mera ghair hai

hai teri tegh-e-nigah mein kya asar

war ho hum par to kaTta ghair hai

ghair samjha hai yahan tak hum ko yar

bosa mangen hum to pata ghair hai

agle yaron mein tumhaare tha 'nasim'

aaj samjhe hum ki agla ghair hai