yar ko raghbat-e-aghyar na hone pae

yaar ko raġhbat-e-aġhyār na hone paa.e

gul-e-tar ko havas-e-ḳhār na hone paa.e

us meñ dar-parda samajhte haiñ vo apnā hī gila

shikva-e-charḳh bhī zinhār na hone paa.e

fitna-e-hashr jo aanā to dabe paañv zarā

baḳht-e-ḳhufta mirā bedār na hone paa.e

haa.e dil khol ke kuchh kah na sake soz-e-darūñ

aable ham-suḳhan-e-ḳhār na hone paa.e

baaġh kī sair ko jaate to ho par yaad rahe

sabza begāna hai do-chār na hone paa.e

jam.a kar lījiye ġhamzoñ ko magar ḳhūbī-e-bazm

bas vahīñ tak hai ki bāzār na hone paa.e

aap jaate to haiñ is bazm meñ lekin 'shiblī'

hāl-e-dil dekhiye iz.hār na hone paa.e

yar ko raghbat-e-aghyar na hone pae

gul-e-tar ko hawas-e-KHar na hone pae

us mein dar-parda samajhte hain wo apna hi gila

shikwa-e-charKH bhi zinhaar na hone pae

fitna-e-hashr jo aana to dabe panw zara

baKHt-e-KHufta mera bedar na hone pae

hae dil khol ke kuchh kah na sake soz-e-darun

aable ham-suKHan-e-KHar na hone pae

bagh ki sair ko jate to ho par yaad rahe

sabza begana hai do-chaar na hone pae

jama kar lijiye ghamzon ko magar KHubi-e-bazm

bas wahin tak hai ki bazar na hone pae

aap jate to hain is bazm mein lekin 'shibli'

haal-e-dil dekhiye izhaar na hone pae