yar uTh gae duniya se aghyar ki bari hai

yaar uTh ga.e duniyā se aġhyār kī baarī hai

gul sair-e-chaman kar ga.e ab ḳhaar kī baarī hai

zāhid ne ibādat chhoḌ us zulf se uljhā hai

tasbīh kī shaiḳhī ga.ī zunnār kī baarī hai

us kākul-e-mushkīñ kī bū huī hai pareshāñ aa

sab shahr-e-ḳhutan luT ga.e tātār kī baarī hai

gulshan meñ ḳhirāmāñ ho ab burqa uThāyā hai

sab gir gayā sarvistāñ gulzār kī baarī hai

kar zaḳhmī nigāhoñ se ab dil pe uThāyā haath

nezoñ kī ga.ī naubat tarvār kī baarī hai

dil par haiñ jahāñ ke sab bāham kī kudūrat se

ā.īnoñ kī saafī ga.ī zañgār kī baarī hai

jhaḌ ga.e vo tabassum se gul ġhunche khaḌe haiñ sarv

tamkīñ ne chaman luuTā raftār kī baarī hai

un zulfoñ ke aqrab ne dil merā Dasā 'uzlat'

pīchhe paḌī hai choTī ab maar kī baarī hai

yar uTh gae duniya se aghyar ki bari hai

gul sair-e-chaman kar gae ab KHar ki bari hai

zahid ne ibaadat chhoD us zulf se uljha hai

tasbih ki shaiKHi gai zunnar ki bari hai

us kakul-e-mushkin ki bu hui hai pareshan aa

sab shahr-e-KHutan luT gae tatar ki bari hai

gulshan mein KHiraman ho ab burqa uThaya hai

sab gir gaya sarwistan gulzar ki bari hai

kar zaKHmi nigahon se ab dil pe uThaya hath

nezon ki gai naubat tarwar ki bari hai

dil par hain jahan ke sab baham ki kudurat se

aainon ki safi gai zangar ki bari hai

jhaD gae wo tabassum se gul ghunche khaDe hain sarw

tamkin ne chaman luTa raftar ki bari hai

un zulfon ke aqrab ne dil mera Dasa 'uzlat'

pichhe paDi hai choTi ab mar ki bari hai