yarab dil-o-nazar pe musallat kabhi na ho
yārab dil-o-nazar pe musallat kabhī na ho
vo be-ḳhudī ki jis meñ shu.ūr-e-ḳhudī na ho
itnā na duur jaao had-e-iḳhtilāf se
mumkin hai phir vahāñ se kabhī vāpsī na ho
dil meñ ḳhulūs ho to ho ik mustaqil ḳhulūs
vo kyā ḳhulūs hai jo kabhī ho kabhī na ho
tark-e-ta.alluqāt kī ik shart ye bhī thī
dil TuuT jaa.e aur koī āvāz bhī na ho
jī chāhtā hai phūloñ se kuchh guftugū karūñ
phir sochtā huuñ bād-e-sabā dekhtī na ho
'gauhar' dil-o-nigāh meñ ik fasl to rahe
lekin dil-o-nazar kā tasādum kabhī na ho
yarab dil-o-nazar pe musallat kabhi na ho
wo be-KHudi ki jis mein shuur-e-KHudi na ho
itna na dur jao had-e-iKHtilaf se
mumkin hai phir wahan se kabhi wapsi na ho
dil mein KHulus ho to ho ek mustaqil KHulus
wo kya KHulus hai jo kabhi ho kabhi na ho
tark-e-talluqat ki ek shart ye bhi thi
dil TuT jae aur koi aawaz bhi na ho
ji chahta hai phulon se kuchh guftugu karun
phir sochta hun baad-e-saba dekhti na ho
'gauhar' dil-o-nigah mein ek fasl to rahe
lekin dil-o-nazar ka tasadum kabhi na ho
Source:
Idraaq (Pg. 55)
- Author: Gohar Usmani
-
- Edition: 1993
- Publisher: Gohar Usmani
- Year of Publication: 1993
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
