yarab diya hai husn to ye bhi kamal de
yārab diyā hai husn to ye bhī kamāl de
maiñ hañs paḌūñ to phuul bhī ḳhushbū uchhāl de
andāz merī pyaas kā jānegā koī kyā
chāhūñ to ik pahāḌ bhī chashma nikāl de
hastī to nīstī meñ badal jā.egī magar
īmān mujh ko mere ḳhudā lā-zavāl de
shāyad vo mere fan ko samajhne lagā hai ab
varna vo aisā kab thā ki aañsū nikāl de
kaisā ajiib dost hai jab bhī milūñ use
mere hī sāmne mujhe merī misāl de
maiñ māñgtī huuñ tujh se duā ai mire ḳhudā
jab bhī qalam uThā.ūñ anokhā ḳhayāl de
'zaryāb' to bashar hai magar bas karam kī baat
rag rag meñ tū hī thoḌā sā jāh-o-jalāl de
yarab diya hai husn to ye bhi kamal de
main hans paDun to phul bhi KHushbu uchhaal de
andaz meri pyas ka jaanega koi kya
chahun to ek pahaD bhi chashma nikal de
hasti to nisti mein badal jaegi magar
iman mujh ko mere KHuda la-zawal de
shayad wo mere fan ko samajhne laga hai ab
warna wo aisa kab tha ki aansu nikal de
kaisa ajib dost hai jab bhi milun use
mere hi samne mujhe meri misal de
main mangti hun tujh se dua ai mere KHuda
jab bhi qalam uThaun anokha KHayal de
'zaryab' to bashar hai magar bas karam ki baat
rag rag mein tu hi thoDa sa jah-o-jalal de
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
