yarab sarab-e-ahal-e-hawas se najat de

Sirajuddin Zafar

yarab sarab-e-ahal-e-hawas se najat de

Sirajuddin Zafar

MORE BYSirajuddin Zafar

    yārab sarāb-e-ahal-e-havas se najāt de

    mujh ko sharāb de unheñ āb-e-hayāt de

    aa ham bhī raqs-e-shauq kareñ raqs-e-mul ke saath

    ai gardish-e-zamāñ mere hāthoñ meñ haat de

    apnā subū bhī ā.ina-e-jam se kam nahīñ

    rakheñ jo rū-ba-rū ḳhabr-e-shash-jihāt de

    ai dast-e-rāz markab-e-daurāñ hai sust-rau

    mere haath meñ rasan-e-kā.enāt de

    kuchh to khule ki kyā hai pas-e-parda-e-hayāt

    koī patā to ā.ina-e-husn-e-zāt de

    ai dost is zamān-o-makāñ ke azaab meñ

    dushman hai jo kisī ko duā-e-hayāt de

    uTh rahguzar se ai dar-e-mai-ḳhāna ke gadā

    masnad pe baiTh faisla-e-kā.enāt de

    is mauja-e-surūr hai aarzū 'zafar'

    jo tab.a ko ravāni-e-nīl-o-farāt de

    yarab sarab-e-ahal-e-hawas se najat de

    mujh ko sharab de unhen aab-e-hayat de

    aa hum bhi raqs-e-shauq karen raqs-e-mul ke sath

    ai gardish-e-zaman mere hathon mein hat de

    apna subu bhi aaina-e-jam se kam nahin

    rakhen jo ru-ba-ru KHabr-e-shash-jihat de

    ai dast-e-raaz markab-e-dauran hai sust-rau

    la mere hath mein rasan-e-kaenat de

    kuchh to khule ki kya hai pas-e-parda-e-hayat

    koi pata to aaina-e-husn-e-zat de

    ai dost is zaman-o-makan ke azab mein

    dushman hai jo kisi ko dua-e-hayat de

    uTh rahguzar se ai dar-e-mai-KHana ke gada

    masnad pe baiTh faisla-e-kaenat de

    is mauja-e-surur ki hai aarzu 'zafar'

    jo taba ko rawani-e-nil-o-faraat de

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY