yas-o-umid-o-shadi-o-gham ne dhum uThai sine mein
yas-o-umid-o-shadi-o-gham ne dhum uThai sine mein
Insha Allah Khan Insha
MORE BYInsha Allah Khan Insha
yās-o-umīd-o-shādī-o-ġham ne dhuum uThā.ī siine meñ
ḳhuub mujhe hai aaj dhamā-dham mār-kuTā.ī siine meñ
diid kiyā jo vādī-e-majnūñ ham ne dhun meñ vahshat ke
shakl mujassam ho ke junūñ kī aan samā.ī siine meñ
shaiḳh-o-barhaman dair-o-haram meñ DhūñDhte ho kyā lā-hāsil
muuñd ke āñkheñ dekho to hai saarī ḳhudā.ī siine meñ
qahr kiyā ye tum ne sāhab aañkh laḌānā aafat thā
jhaT-paT dil ko phūñk diyā aur aag lagā.ī siine meñ
hazrat-e-dil to kab ke sidhāre ḳhuub jo DhūñDā 'inshā' ne
ek dhuāñ sā aah kā uTThā ḳhaak na paa.ī siina meñ
yas-o-umid-o-shadi-o-gham ne dhum uThai sine mein
KHub mujhe hai aaj dhama-dham mar-kuTai sine mein
did kiya jo wadi-e-majnun hum ne dhun mein wahshat ke
shakl mujassam ho ke junun ki aan samai sine mein
shaiKH-o-barhaman dair-o-haram mein DhunDhte ho kya la-hasil
mund ke aankhen dekho to hai sari KHudai sine mein
qahr kiya ye tum ne sahab aankh laDana aafat tha
jhaT-paT dil ko phunk diya aur aag lagai sine mein
hazrat-e-dil to kab ke sidhaare KHub jo DhunDa 'insha' ne
ek dhuan sa aah ka uTTha KHak na pai sina mein
Source:
Kulliyat-e-inshaallah khan insha (Pg. 107)
- Author: Insha Allah Khan Insha
-
- Publisher: Munshi Nawal Kishor, Lucknow
- Year of Publication: 1876
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
