yahan aawaz ko apni uThana bhi chunauti hai

yahāñ āvāz ko apnī uThānā bhī chunautī hai

sahīh kahne kī himmat ko juTānā bhī chunautī hai

nahīñ mā'lūm kyā jaadū hai us kāfir kī bātoñ se

ki ab logoñ ko sachchā.ī dikhānā bhī chunautī hai

kabhī nīñdeñ kabhī sapne pakā.e aañch par maiñ ne

ki daur-e-muflisī meñ ghar chalānā bhī chunautī hai

kabhī ḳhanjar hī koī ghoñp degā piiTh meñ mere

isī Dar se gale sab ko lagānā bhī chunautī hai

khaḌe haiñ mere apne hī merī manzil ke raste meñ

ki aise haal meñ manzil ko paanā bhī chunautī hai

jo har ik bahas ko maz.hab ke mimbar par le aate haiñ

diloñ se un ke nafrat ko haTānā bhī chunautī hai

zabāñ par paḌ ga.e sachchā.ī se jo aable mere

to ab āvāz logoñ ko lagānā bhī chunautī hai

yahan aawaz ko apni uThana bhi chunauti hai

sahih kahne ki himmat ko juTana bhi chunauti hai

nahin ma'lum kya jadu hai us kafir ki baaton se

ki ab logon ko sachchai dikhana bhi chunauti hai

kabhi ninden kabhi sapne pakae aanch par main ne

ki daur-e-muflisi mein ghar chalana bhi chunauti hai

kabhi KHanjar hi koi ghonp dega piTh mein mere

isi Dar se gale sab ko lagana bhi chunauti hai

khaDe hain mere apne hi meri manzil ke raste mein

ki aise haal mein manzil ko pana bhi chunauti hai

jo har ek bahas ko mazhab ke mimbar par le aate hain

dilon se un ke nafrat ko haTana bhi chunauti hai

zaban par paD gae sachchai se jo aable mere

to ab aawaz logon ko lagana bhi chunauti hai