yahan dariya to aksar bolte hain
yahāñ dariyā to aksar bolte haiñ
magar kam hī samundar bolte haiñ
sitam sah kar koī ḳhāmosh hai aur
sitam kar ke sitamgar bolte haiñ
tire īmān kī sachchā.ī hai rab
ki muTThī meñ bhī kankar bolte haiñ
adībo amn ke naġhme sunāo
qalam chup ho to ḳhanjar bolte haiñ
binā maañ ke kahāñ us meñ hai raunaq
vo ik shai jis ko sab ghar bolte haiñ
kahe jab maañ pe kuchh ash'ār maiñ ne
lagā jaise 'munavvar' bolte haiñ
jahāñ sach ke muḳhālif ho zamāna
vahāñ jhūToñ ko behtar bolte haiñ
yahan dariya to aksar bolte hain
magar kam hi samundar bolte hain
sitam sah kar koi KHamosh hai aur
sitam kar ke sitamgar bolte hain
tere iman ki sachchai hai rab
ki muTThi mein bhi kankar bolte hain
adibo amn ke naghme sunao
qalam chup ho to KHanjar bolte hain
bina man ke kahan us mein hai raunaq
wo ek shai jis ko sab ghar bolte hain
kahe jab man pe kuchh ash'ar main ne
laga jaise 'munawwar' bolte hain
jahan sach ke muKHalif ho zamana
wahan jhuTon ko behtar bolte hain
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
