yahan paDao bahut der tak raha gham ka

yahāñ paḌāo bahut der tak rahā ġham kā

zamīn pahlā Thikāna nahīñ hai aadam kā

hamārī sust-ravī Thīk-Thāk mas.ala hai

magar jo lutf-e-samā'at hai sāz-e-maddham kā

ye kis ke ashk liye phir rahī hai bād-e-nasīm

ye kis ne khol ke rakkhā huā hai dar nam kā

ye aur baat tujhe zindagī samajh liyā hai

magar kisī ko bharosa nahīñ rahā dam kā

use bulāo jise dekhne se zaḳhm bhareñ

nazar se koī taqābul nahīñ hai marham kā

uThā ke laatī rahī tāzgī-e-gul ke liye

havā pe bojh rahā ek 'umr shabnam kā

karishma-sāz koī mo'jiza to duur kī baat

asar bhī koī nahīñ ho rahā tire dam kā

palaT rahā hai jahāñ apne asl kī jānib

kueñ kī samt ravāna hai paanī zamzam kā

hamāre ḳhvāb yahāñ daao par lage hue haiñ

aur us ko yaad ḳhasārā hai dām-o-darham kā

yahan paDao bahut der tak raha gham ka

zamin pahla Thikana nahin hai aadam ka

hamari sust-rawi Thik-Thak masala hai

magar jo lutf-e-sama'at hai saz-e-maddham ka

ye kis ke ashk liye phir rahi hai baad-e-nasim

ye kis ne khol ke rakkha hua hai dar nam ka

ye aur baat tujhe zindagi samajh liya hai

magar kisi ko bharosa nahin raha dam ka

use bulao jise dekhne se zaKHm bharen

nazar se koi taqabul nahin hai marham ka

uTha ke lati rahi tazgi-e-gul ke liye

hawa pe bojh raha ek 'umr shabnam ka

karishma-saz koi mo'jiza to dur ki baat

asar bhi koi nahin ho raha tere dam ka

palaT raha hai jahan apne asl ki jaanib

kuen ki samt rawana hai pani zamzam ka

hamare KHwab yahan dao par lage hue hain

aur us ko yaad KHasara hai dam-o-darham ka