yahan se chaaron taraf raste nikalte hain

Idris Babar

yahan se chaaron taraf raste nikalte hain

Idris Babar

MORE BYIdris Babar

    yahāñ se chāroñ taraf rāste nikalte haiñ

    Thahar Thahar ke ham is ḳhvāb se nikalte haiñ

    kisī kisī ko hai tahzīb-e-dasht-ārā.ī

    ka.ī to ḳhaak uḌāte hue nikalte haiñ

    yahāñ rivāj hai zinda jalā diye jaa.eñ

    vo log jin ke gharoñ se diye nikalte haiñ

    ajiib dasht hai dil bhī jahāñ se jaate hue

    vo ḳhush haiñ jaise kisī baaġh se nikalte haiñ

    ye log so rahe hoñge jabhī to aaj talak

    zarūf-e-ḳhāk se ḳhvāboñ bhare nikalte haiñ

    sitāre dekh ke ḳhush huuñ ki roz merī tarah

    jo kho ga.e haiñ unheñ DhūñDne nikalte haiñ

    yahan se chaaron taraf raste nikalte hain

    Thahar Thahar ke hum is KHwab se nikalte hain

    kisi kisi ko hai tahzib-e-dasht-arai

    kai to KHak uDate hue nikalte hain

    yahan riwaj hai zinda jala diye jaen

    wo log jin ke gharon se diye nikalte hain

    ajib dasht hai dil bhi jahan se jate hue

    wo KHush hain jaise kisi bagh se nikalte hain

    ye log so rahe honge jabhi to aaj talak

    zaruf-e-KHak se KHwabon bhare nikalte hain

    sitare dekh ke KHush hun ki roz meri tarah

    jo kho gae hain unhen DhunDne nikalte hain

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY
    Speak Now