yahan to phir wahi diwar-o-dar nikal aae

Anjum Rumani

yahan to phir wahi diwar-o-dar nikal aae

Anjum Rumani

MORE BYAnjum Rumani

    yahāñ to phir vahī dīvār-o-dar nikal aa.e

    kidhar ko yaar chale the kidhar nikal aa.e

    kahāñ pā-e-vafā aur kahāñ dasht-e-talab

    ki ab to raste ka.ī muḳhtasar nikal aa.e

    huā rafīq na begār-e-shauq meñ koī

    maqām-e-zar pe ka.ī mo'tabar nikal aa.e

    gurez karte haiñ saa.e se bhī mire ahbāb

    kahīñ idhar bhī na ye āshufta-sar nikal aa.e

    huā na koī bhī pursān-e-hāl zindoñ

    mare huoñ ke ka.ī nauhagar nikal aa.e

    rahe zarā dil-e-ḳhūñ-gashta par nazar 'anjum'

    usī sadaf se ajab kyā guhar nikal aa.e

    yahan to phir wahi diwar-o-dar nikal aae

    kidhar ko yar chale the kidhar nikal aae

    kahan ka pa-e-wafa aur kahan ka dasht-e-talab

    ki ab to raste kai muKHtasar nikal aae

    hua rafiq na begar-e-shauq mein koi

    maqam-e-zar pe kai mo'tabar nikal aae

    gurez karte hain sae se bhi mere ahbab

    kahin idhar bhi na ye aashufta-sar nikal aae

    hua na koi bhi pursan-e-haal zindon ka

    mare huon ke kai nauhagar nikal aae

    rahe zara dil-e-KHun-gashta par nazar 'anjum'

    usi sadaf se ajab kya guhar nikal aae

    Source :
    • Book : Dastavez (Pg. 34)
    • Author : Aziz Nabeel
    • Publication : Edarah Dastavez (2010)
    • Edition : 2010
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY