yahi hai unki tamanna to kar ke dekhte hain

yahī hai un kī tamanna to kar ke dekhte haiñ

fazā meñ ḳhushbū ke jaise bikhar ke dekhte haiñ

mahāz-e-jang meñ ik din utar ke dekhte haiñ

nahīñ visāl mayassar to mar ke dekhte haiñ

ye dekhte haiñ hameñ jo Thahar ke dekhte haiñ

hamāre vāste kyā kar guzar ke dekhte haiñ

ki un ke dil meñ hai dhokā nazar farebī hai

ye jhuuT hai ki hameñ aañkh bhar ke dekhte haiñ

charāġh phir se jalāte haiñ yaar ulfat ke

ki nafratoñ ke chalo par katar ke dekhte haiñ

ki titliyoñ se hī kuchh rang udhār lete haiñ

chalo na ḳhvāb meñ kuchh rang bhar ke dekhte haiñ

yahi hai un ki tamanna to kar ke dekhte hain

faza mein KHushbu ke jaise bikhar ke dekhte hain

mahaz-e-jang mein ek din utar ke dekhte hain

nahin visal mayassar to mar ke dekhte hain

ye dekhte hain hamein jo Thahar ke dekhte hain

hamare waste kya kar guzar ke dekhte hain

ki un ke dil mein hai dhoka nazar farebi hai

ye jhuT hai ki hamein aankh bhar ke dekhte hain

charagh phir se jalate hain yar ulfat ke

ki nafraton ke chalo par katar ke dekhte hain

ki titliyon se hi kuchh rang udhaar lete hain

chalo na KHwab mein kuchh rang bhar ke dekhte hain