yahi to dukh hai zamin aasman bana kar bhi

yahī to dukh hai zamīñ āsmāñ banā kar bhī

maiñ dar-ba-dar huuñ ḳhud apnā jahāñ banā kar bhī

agar ye sach hai ki har shai yahāñ pe faanī hai

to kyā karūñgā maiñ kuchh jāvedāñ banā kar bhī

musir hai is pe mujhe rā.egāñ nahīñ honā

vo zindagī ko marī rā.egāñ banā kar bhī

kise dikhā.ūñ jo tārīkiyāñ sameTī haiñ

qadam qadam pe na.ī kahkashāñ banā kar bhī

kuchh aur log magar ba.ad-azāñ use yaad aa.e

vo ḳhush nahīñ thā hameñ dāstāñ banā kar bhī

khulā masāfat-e-hastī meñ kam nahīñ hote

safar ke ranj-o-alam kārvāñ banā kar bhī

yahi to dukh hai zamin aasman bana kar bhi

main dar-ba-dar hun KHud apna jahan bana kar bhi

agar ye sach hai ki har shai yahan pe fani hai

to kya karunga main kuchh jawedan bana kar bhi

musir hai is pe mujhe raegan nahin hona

wo zindagi ko mari raegan bana kar bhi

kise dikhaun jo tarikiyan sameTi hain

qadam qadam pe nai kahkashan bana kar bhi

kuchh aur log magar baad-azan use yaad aae

wo KHush nahin tha hamein dastan bana kar bhi

khula masafat-e-hasti mein kam nahin hote

safar ke ranj-o-alam karwan bana kar bhi