yak-ba-yak jhum uTha nafs ko ghaarat kar ke

yak-ba-yak jhuum uThā nafs ko ġhārat kar ke

ek darvesh tire haath pe bai'at kar ke

maiñ tirā naam bhī letā nahīñ āsānī meñ

kyā nikaltā kisī mushkil se tilāvat kar ke

dil na ho dar pe lagā.ī huī ghanTī ho miyāñ

bhaag jaate haiñ sabhī log sharārat kar ke

ye jo tājir haiñ inheñ daam ziyāda hī batā

ye ḳharīdeñge mohabbat bhī ri.āyat kar ke

kis ne samjhā hai ubalte hue sūraj kā fusūñ

kaun Duubā hai añdhere meñ saḳhāvat kar ke

terī āñkheñ bhī jalīñ dil bhī siyah-fām huā

kyā milā tujh ko mohabbat meñ ḳhayānat kar ke

har taraf shor hai vahshat hai pareshānī hai

kyā milegā tujhe aise meñ qayāmat kar ke

yak-ba-yak jhum uTha nafs ko ghaarat kar ke

ek darwesh tere hath pe bai'at kar ke

main tera nam bhi leta nahin aasani mein

kya nikalta kisi mushkil se tilawat kar ke

dil na ho dar pe lagai hui ghanTi ho miyan

bhag jate hain sabhi log shararat kar ke

ye jo tajir hain inhen dam ziyaada hi bata

ye KHaridenge mohabbat bhi riayat kar ke

kis ne samjha hai ubalte hue suraj ka fusun

kaun Duba hai andhere mein saKHawat kar ke

teri aankhen bhi jalin dil bhi siyah-fam hua

kya mila tujh ko mohabbat mein KHayanat kar ke

har taraf shor hai wahshat hai pareshani hai

kya milega tujhe aise mein qayamat kar ke