yaksan hai dhuan jalte KHarabe ki mahak tak

yaksāñ hai dhuāñ jalte ḳharābe kī mahak tak

sannāTe kā ghar se diyā sunsān saḌak tak

pahle hī kahā thā mire dāman se pare rah

aa hī gayā tū bhī unhīñ sho.aloñ kī lapak tak

ab maiñ huuñ faqat aur koī hāñptā sahrā

aa.ī thī mire saath un ashkoñ kī kumak tak

do kashtiyāñ kāġhaz kī bahā leñ chalo ham tum

phir to hameñ milnā nahīñ ḳhvāboñ kī palak tak

itnī to sazā saḳht na aatī huī rut de

ruḳhsat ho jo biite hue mausam kī kasak tak

dīvār hī niklī pas-e-dīvār fusūñ rañg

kohrā hī bikhartā milā chehroñ kī dhanak tak

indar se sulagte ho musavvir jo khañDar se

kho aa.e ho jā kar kahāñ āñkhoñ kī chamak tak

yaksan hai dhuan jalte KHarabe ki mahak tak

sannaTe ka ghar se diya sunsan saDak tak

pahle hi kaha tha mere daman se pare rah

aa hi gaya tu bhi unhin shoalon ki lapak tak

ab main hun faqat aur koi hanpta sahra

aai thi mere sath un ashkon ki kumak tak

do kashtiyan kaghaz ki baha len chalo hum tum

phir to hamein milna nahin KHwabon ki palak tak

itni to saza saKHt na aati hui rut de

ruKHsat ho jo bite hue mausam ki kasak tak

diwar hi nikli pas-e-diwar fusun rang

kohra hi bikharta mila chehron ki dhanak tak

indar se sulagte ho musawwir jo khanDar se

kho aae ho ja kar kahan aankhon ki chamak tak