yaqin-e-mohkam ka hai sahaara yahi amal kargar hai pyare

Arsh Malsiyani

yaqin-e-mohkam ka hai sahaara yahi amal kargar hai pyare

Arsh Malsiyani

MORE BYArsh Malsiyani

    yaqīn-e-mohkam hai sahārā yahī amal kārgar hai pyāre

    ilāj-e-darj-e-nihāñ yahī hai isī davā meñ asar hai pyāre

    tirī nigāhoñ meñ haiñ samā.e jamāl-e-hastī jalāl-e-ma.anī

    na dekh aur nazar se tirī nazar mo'atabar hai pyāre

    nahīñ tirī raah rāh-e-mushkil hai rahbar-e-rāh ḳhud tirā dil

    tire qadam meñ hai terī manzil tavīl be-shak safar hai pyāre

    na hai hasīnoñ meñ kaj-adā.ī na zindagī meñ koī burā.ī

    hai nekiyoñ ghar ḳhudā.ī agar ḳhud ḳhud-nigar hai pyāre

    tire dil meñ hai jalva-farmā butoñ sūrat ḳhudā jaadū

    yahī hai dair aur yahī hai ka.aba yahī mohabbat ghar hai pyāre

    kahāñ chhupegā vo māh-paikar ho na māyūs-e-dīd dam-bhar

    hoñ laakh parde ruḳh-e-hasīñ par tirī nazar bhī nazar hai pyāre

    haiñ tere ash.ār 'arsh' aise rumūz hoñ zindagī ke jaise

    tujhe na deñ log daad kaise baḌā nukta-var hai pyāre

    yaqin-e-mohkam ka hai sahaara yahi amal kargar hai pyare

    ilaj-e-darj-e-nihan yahi hai isi dawa mein asar hai pyare

    teri nigahon mein hain samae jamal-e-hasti jalal-e-mani

    na dekh tu aur ki nazar se teri nazar mo'atabar hai pyare

    nahin teri rah rah-e-mushkil hai rahbar-e-rah KHud tera dil

    tere qadam mein hai teri manzil tawil be-shak safar hai pyare

    na hai hasinon mein kaj-adai na zindagi mein koi burai

    hai nekiyon hi ka ghar KHudai agar tu KHud KHud-nigar hai pyare

    tere hi dil mein hai jalwa-farma buton ki surat KHuda ka jadu

    yahi hai dair aur yahi hai kaba yahi mohabbat ka ghar hai pyare

    kahan chhupega wo mah-paikar tu ho na mayus-e-did dam-bhar

    hon lakh parde ruKH-e-hasin par teri nazar bhi nazar hai pyare

    hain tere ashaar 'arsh' aise rumuz hon zindagi ke jaise

    tujhe na den log dad kaise baDa hi tu nukta-war hai pyare

    Source
    • Book : Kulliyat-e-Arsh (Pg. 137)
    • Author : Arsh Malsiyani
    • Publication : Ali Imran Chaudhary
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY